لما كنت معتكف ف العشر الأواخر بالمسجد الحرام صادف ف الوقت ده عيد ميلاد زوجتي #بنت_الأكرمين .. ف قبلها بيومين تلاتة كنت بحاول أدور لها ع هدية أقدر أطلبها أونلاين بحيث تجيلها ع البيت ف ألمانيا ف يوم ميلادها بالظبط من باب إدخال السرور ع قلبها يعني وكرسالة شكر لها ع تحملها البعد وتعبها مع العيال لوحدها ف الغربة .. 🥰
ف كنت بتناقش مع زميل فاضل رفيق الاعتكاف في هدية معينة كده (جهاز ما) هو عنده خبرة واسعة فيه .. ف لقيته بيقولي "يابني انت ف إيه ولا ف إيه .. انت هتضيع اعتكافنا ع الكلام ف الدنيا ؟"
قولتله والله يا أحمد أنا محتسب انشغالي بالهدية اللي هجيبها لزوجتي دي عند الله، وبعتبره كالقيام والتهجد بالظبط .. انشغالي بتقوية أواصر المحبة بيني وبين زوجتي عمل صالح اتقرب به إلى الله عز وجل .. ولعلها ليلة القدر ويكتب لي هذا العمل بتمانين ألف ضعف فيبارك الله لنا في حياتنا ويعوضنا خير .. 🥰
ففي صحيح مسلم: إن إبليس يضع عرشه على الماء، ثم يبعث سراياه فأدناهم منه منزلة أعظمهم فتنة، يجيء أحدهم فيقول: ما تركته حتى فرقت بينه وبين امرأته، فيدنيه منه، ويقول: نعم أنت، فيلتزمه .. 👌
ف المفروض كده إن العكس صحيح برضه يعني .. 🤷🏻
تعليقات
إرسال تعليق