مي كساب في برنامج صالون انوشكا
أيه ده بجد!!! 💙
مي كساب في برنامج صالون انوشكا .
انوشكا بتقولها ايه إللي يخلي الست تتجوز
من راجل أصغر منها أو أقل منها ف التعليم
قالتلها.
ياما ناس أكبر وناس مناصبها أفخم
بس ما يملكوش أنهم حتي
يرسمو ع وشنا ضحكه واحده تكون من قلبنا
ولا شوفنا منهم موقف واحد يثبت انهم سند لينا
ولا أننا غالين عندهم
كله بياخد منك ويجري.
أنا وجوزي كلكو عارفين أنه أصغر مني اه
ويمكن بينا الكتير من وجه نظر الناس التافه فقط
أننا مش مناسبين
لكن اقسم بالله وحيات بنتنا
أنا شوفت منه إللي ماشوفتوش مع الأكبر مني .
هي الست عايزه ايه غير راجل يحبها بجد
سواء بقي كان صغير ولا كان كبير .
أنا جوزي لما كانت بتعدي عليه أيام مابيشتغلش
وكنت أنا أقوم بواجبي زي أي زوجه
واقف جنبه ماديآ كان بيسبلي البيت ويمشي
ويقولي لما اموت ابقي اعملي كدا
عمره ما قبل مني مليم ولا أعتمد عليا ف اي شئ
بالعكس ده هو إللي بيديني
ده غير حنيته إللي بجد الكل بيحسدني عليها.
أنا يا أنوشكا عمري ما بكيت ع كتف مخلوق غير أبويا
والوحيد بعد أبويا إللي ف أي أزمه
أترمي ف حضنه وأبكي هو جوزي .
عايزه اقولك أنا ف عز عصبيتي
هو إللي بيهديني ويروح واخدني ف حضنه
ويقولي طيب يا حبيبتي عيطي
أنا عارف لما بتعيطي بترتاحي
وأول ما أخلص عياط يسإلني مالك بقي
مين الحيوان إللي مزعلك أنا ولا مين!
بصي يا أنوشكا ده كفايا عليا
أظن أي راجل ف موقف زي ده
مش هيعمل أي حاجه غير أنه يزعق ويصوت
ويسيب البيت ويمشي وبينسي يسإل مراته مالك !!
مع أنها بتفضل ف الراحه والجايه تسإله
عملت أيه ف شغلك وأيه مضايقك وأيه تاعبك
وهو عمره مافكر انها ليها الحق زيه واكتر
أنوشكا قالتلها كل مره وأنتي متعصبه بيعمل كدا!
قالتلها كل مره ولما سإلته أنت ازاي بتمتص غضبي كدا
ومش بطول زعلنا
قالي لأنك زي أمي وزي أي ست حموله
ولو أتعصبتي مابتكونيش محتاجه أكتر من أن
إللي قدامك يخدك ف حضنه ويقولك مالك
أهو الأحساس ده لوحده يا أنوشكا يخليني أقول لأي واحده أوعي تكملي إللي باقي من حياتك غير مع راجل زي ده راجل قادر يحتويكي ويفهمك ف أشد وأصعب حالاتك
تعليقات
إرسال تعليق